竹青亭 (Closed)

呢間餐廳一直喺我openrice想去既list入面， 因為尖沙咀好多好嘢食，一直都未輪到佢，今日同兩位長輩同一位小朋友食飯，想搵間舒服既餐廳，就book左7點半晚飯3大1細，叫左個二人餐加個腐乳卡邦尼意粉，本身好少寫食評嘅我，都唔打算影相， 亦都唔記得食物全名，但一路食落去，由前菜到甜品都好驚喜， 出奇地每樣食物都好味，而且4個都啱口味頭盤牛舌（ 全名已經唔記得 ） 牛舌好薄（本人比較喜歡薄身）而且好入味帶子意大利飯，綠色既，朋友覺得唔錯，我覺得ok，帶子大粒而且新鮮，冇over cook剛剛好我哋最期待就係腐乳卡邦尼意粉，因為好特別，點知4個都覺得勁好味，仲爭d想叫多個😆卡邦尼竟然同腐乳味好夾， 腐乳又唔會落得太多，又唔會太鹹，剛剛好，有少少香味但又唔會搶晒本身卡邦尼汁嘅味道最後就係呢個五成熟既牛肉，隔離碟豆個樣其實麻麻地，撈埋隻蛋仲有d肉酸添，不過連埋塊牛一齊食，味道又係好夾最後甜品， 檸檬荔枝果凍超勁酸，問返waiter原來要連埋隔離苦苦地嘅玄米綠茶一齊食😵 酸味同苦味特別突出， 比較衝擊味蕾，要俾d時間我接受一下但另一個楊枝甘露加雲呢拿雪糕正常d既，好味總括嚟講全餐我畀90分，