Video
Read full review
2021-08-16
359 views
深水埗各色coffee shop林立，不時都會去發掘吓新店，今次搵到呢間做生酮飲食嘅有心小店 💛Menu上有好多飲品選擇（好多都係keto friendly!!），店員就推介我飲玄米茶同焙茶杏仁奶，屬坊間較少見。我要咗每款各一杯熱，兩款茶味都好香濃好好飲！焙茶味濃，配合杏仁奶嘅甜，入口味道比聞更有層次。玄米茶好特別，平時飲就咁玄米茶好似清清淡淡咁，呢度唔知係咪加咗杏仁奶，襯托咗佢陣炒米香味出嚟，奶嘅甜香味完全冇喧賓奪主，令茶嘅回甘味更突出！極推介！💓💓臨走仲買咗塊70%黑朱古力軟心曲奇返屋企食，店員提醒要整熱嚟食。我就咁用微波爐叮咗十秒，切開一半見到入面啲朱古力半溶，入口唔甜又濃朱古力味，應該食多幾塊都唔會覺得漏 🤣🤣
Menu上有好多飲品選擇（好多都係keto friendly!!），店員就推介我飲玄米茶同焙茶杏仁奶，屬坊間較少見。我要咗每款各一杯熱，兩款茶味都好香濃好好飲！
焙茶味濃，配合杏仁奶嘅甜，入口味道比聞更有層次。玄米茶好特別，平時飲就咁玄米茶好似清清淡淡咁，呢度唔知係咪加咗杏仁奶，襯托咗佢陣炒米香味出嚟，奶嘅甜香味完全冇喧賓奪主，令茶嘅回甘味更突出！極推介！💓💓
臨走仲買咗塊70%黑朱古力軟心曲奇返屋企食，店員提醒要整熱嚟食。我就咁用微波爐叮咗十秒，切開一半見到入面啲朱古力半溶，入口唔甜又濃朱古力味，應該食多幾塊都唔會覺得漏 🤣🤣
Post