粵珍薈 (Closed)

今晚我們去咗天水圍天一商城嘅「粤珍薈」食火鍋放題！湯底我們選擇咗瑤柱湯底，味道好鮮味清甜，唔會因為太過濃郁而掩蓋咗肉類同其他所有材料嘅味道！牛肉嘅肉質好嫩滑，肉味好濃郁，色澤亦幾紅潤，而且脂肪唔會好多！豚肉嘅肉質比較爽滑，但肉味唔係好香濃！蔬菜同其他火鍋材料都清洗同處理得好乾淨衛生，而且相當新鮮！除咗呢啲之外仲有生炒糯米飯同豉油皇炒麵！生炒糯米飯就咁睇個色澤賣相好似比較淡色，以為味道會比較淡，點知食落令到我們覺得好驚喜，因味道係非常惹味，而且唔會有好油膩嘅感覺！豉油皇炒麵炒得都算乾身，但味道就比較鹹！