韓閣 (富裕樓) (Closed)

食過咁多間韓國菜，覺得呢間「韓閣」真係好抵食，唔洗加一，味道唔錯之餘叫滿成枱野食都係三百蚊有找🥳1️⃣芝士岩漿炒飯 （$98）芝士食落好厚好軟綿綿，而且份量超多，入面夾咗啲泡菜食落有啲辣，口感好豐富 （可以揀辣/少辣/唔辣）😋2️⃣三重芝士炸雞（半份）（$118）呢個份量兩個人食真係啱啱好，炸雞外脆內嫩，芝士一樣食落軟綿綿，好多拉芝😍3️⃣豆腐海鮮湯 （$52）可以揀辣/少辣/唔辣，我地想清清地就揀咗唔辣，入面啲料都好豐富，有蜆、青口、蝦、豆腐、半熟蛋，食完咁多邪惡食物再飲返啖湯真係好舒服😌4️⃣飲品🔹荔芝梳打 （$15）🔸紅豆抹茶牛奶（$15）