Video
Read full review
2022-01-25
422 views
閨蜜搬咗去九龍城，一班朋友一齊去佢屋企house warming 👯♀️👯👯♀️傾吓傾吓就到下午茶時間，閨蜜話帶我去附近一間高質素但係好抵食，價錢又平嘅茶餐廳食下午茶😍嗰度啲廚師全部喺酒樓酒店做過，食物質素好高，包我哋話好食喎😚呢間「大城小廚」好大間，好乾淨好多卡位坐得好舒服。我哋成班朋友就坐一張大圓枱，方便一路食一路講😆我哋叫咗兩個好抵食嘅下午茶餐、兩個炒粉麵飯、仲有一碗淨雲吞牛丸，眨吓眼就清晒，係咪好大食呢😂🌟洋蔥豬扒包 $36～ 呢個包超級好食😋以前去親澳門都一定會食豬扒包，但豬扒通常都煎得太乾身，但係佢哋呢個豬扒包好特別，裡面夾咗好多煎香左嘅洋蔥🧅仲配埋好好味嘅洋蔥汁，豬扒煎得好香一啲都唔乾身仲充滿肉汁。個包仲喺用靚麵粉造成，包面烘得好脆，但係包裡面又好鬆軟，配埋洋蔥同豬扒口感一流應該係我食過最好食嘅豬扒包👍🏻🌟凍檸茶 （跟餐免費）呢杯凍檸茶飲落一啲苦澀味都冇、非常清新。原來呢度嘅奶茶、凍檸茶都係用發酵過嘅茶葉，坊間少有, 所以比起其他餐廳就好飲好多❤️🌟餐肉煎蛋鮮油菠蘿包 $34～ 呢個包又係餐廳既王牌食物，餐肉煎得好香、煎蛋就好滑、菠蘿包既酥皮好香脆，包又好鬆軟，仲配埋一片牛
傾吓傾吓就到下午茶時間，閨蜜話帶我去附近一間高質素但係好抵食，價錢又平嘅茶餐廳食下午茶😍嗰度啲廚師全部喺酒樓酒店做過，食物質素好高，包我哋話好食喎😚
呢間「大城小廚」好大間，好乾淨好多卡位坐得好舒服。我哋成班朋友就坐一張大圓枱，方便一路食一路講😆
我哋叫咗兩個好抵食嘅下午茶餐、兩個炒粉麵飯、仲有一碗淨雲吞牛丸，眨吓眼就清晒，係咪好大食呢😂
🌟洋蔥豬扒包 $36
～ 呢個包超級好食😋以前去親澳門都一定會食豬扒包，但豬扒通常都煎得太乾身，但係佢哋呢個豬扒包好特別，裡面夾咗好多煎香左嘅洋蔥🧅仲配埋好好味嘅洋蔥汁，豬扒煎得好香一啲都唔乾身仲充滿肉汁。
個包仲喺用靚麵粉造成，包面烘得好脆，但係包裡面又好鬆軟，配埋洋蔥同豬扒口感一流應該係我食過最好食嘅豬扒包👍🏻
🌟凍檸茶 （跟餐免費）
呢杯凍檸茶飲落一啲苦澀味都冇、非常清新。原來呢度嘅奶茶、凍檸茶都係用發酵過嘅茶葉，坊間少有, 所以比起其他餐廳就好飲好多❤️
🌟餐肉煎蛋鮮油菠蘿包 $34
～ 呢個包又係餐廳既王牌食物，餐肉煎得好香、煎蛋就好滑、菠蘿包既酥皮好香脆，包又好鬆軟，仲配埋一片牛油🧈。食嘅時候先將牛油夾喺熱辣辣的菠蘿包裏面，牛油會立即溶化，好食到難以形容🤤
🌟熱奶茶（跟餐免費）
～熱奶茶嘅茶同奶嘅比例好適中，同樣係用咗發酵嘅茶葉，所以奶茶特別好飲
🌟日式海鮮炒烏冬$60
～ 烏冬一上枱就聞到好夠鑊氣，原來所有炒粉麵飯由酒樓大廚親自煮，所以非常有鑊氣。烏冬分量十足就算係下午茶餐價錢平，但係份量亦都唔會減少，配料有蟹柳、鮮蝦、魷魚…….
🌟鴛鴦炒飯$98
～ 好少茶餐廳會有鴛鴦炒飯，呢度嘅鴛鴦炒飯賣相非常靚😍拍得住酒樓質素👍🏻但價錢當然平好多啦！鴛鴦炒飯同樣好足料，有雞肉、又有鮮蝦、仲有炒底，食完大滿足😌
🌟淨雲吞拼牛丸 $35
～ 閨蜜話呢度嘅雲吞同埋牛筋丸好出色，一定要食。雲吞皮薄，鮮蝦又大隻又彈牙，牛丸好香牛味，原來全部係手打，食完仲一啲都唔搶喉，無加味精，唔會口渴😚
食到成枱野，都係二百幾蚊，成班朋友飽到不得了🤣 食物質素高，但價錢非常抵，老闆娘又好健談好親切，侍應好有禮貌，抵讚👍🏻
而家搭港鐵去宋王臺站好方便，下次都一定要同班朋友再嚟幫襯❤️支持一下小店😉
📍大城小廚 (九龍城)
九龍城福佬村道33-35號地舖
餐肉煎蛋鮮油菠蘿包
6 views
0 likes
0 comments
餐肉煎蛋鮮油菠蘿包
14 views
0 likes
0 comments
洋蔥豬扒包
11 views
0 likes
0 comments
洋蔥豬扒包
14 views
0 likes
0 comments
淨雲吞拼牛丸
4 views
0 likes
0 comments
鴛鴦炒飯
13 views
0 likes
0 comments
鴛鴦炒飯
15 views
0 likes
0 comments
日式海鮮炒烏冬
13 views
0 likes
0 comments
日式海鮮炒烏冬
13 views
0 likes
0 comments
凍檸茶熱奶茶
14 views
0 likes
0 comments
Post
