鐵牛台灣牛肉麵 (旺角中心第一座) (Closed)

好掛住台灣～今晚同朋友出旺角行街街，順便想去食台灣野。喺旺中經過鐵牛，諗住簡簡單單食碗牛肉麵同鹽酥雞都幾好。呢間由台灣人主理的台灣食品專門店，招牌菜為主廚私房牛肉麵，嗌咗牛筋牛腩麵，湯底濃厚有藥材香，入口不錯，令我想念台灣嘅味道～另外嗌咗小食拼盤，炸物做得唔錯，比較乾身，唔會一口油，但略嫌份量比較少。同埋朋友叫了鹽酥雞撈麵，味道都可以。唔會太濃味三個人連埋飲品平均都係$85，好抵食的一餐，不過我哋食咗一個鐘頭就俾人叫走，有啲未能盡興。