刕舙馫麵館 (Closed)

朋友今次介紹咗去一間連名都唔識讀嘅麵館，一開始都驚會好伏，但估唔到真係幾好味，辣得好過癮！佢有超過20款餸可以揀，有選擇困難症嘅我簡直睇到眼都花埋。餐廳嘅牆都畫上壁畫，幾有美感！最後揀咗食麻辣野必食嘅鴨血配鵪鶉蛋。配菜同刀削麵係分開上。兩樣份量都幾多！鴨血獨特嘅味道配上麻辣味，簡直一流！鵪鶉蛋正常發揮。而刀削麵就都幾彈牙，湯底唔會太咸！朋友叫咗口水雞刀削麵。估唔到個雞都幾滑。叫咗麻辣微辣，辣勁唔強，鍾意食辣嘅朋友可以叫少辣。加咗個麻辣鴨腎，9蚊有咁大份，算好抵！皮蛋就18蚊，個辣真心幾正！