炊豕店 (威靈頓街) (Closed)

呢間餐廳嘅食品款式未必算好多，餐廳空間大小未必算好大，地點未必話係好就腳... 但係佢絕對係一間值得推介嘅小店！餐廳環境好有特色，有八十年代懷舊feel，全用木枱木椅，又有好多舊有日常小用品作擺設佈局，燈光柔和，入到去不禁被佢裝修嘅用心打動到少少...然後佢係以手寫記錄紙下單，讓客人決定有買咩小細節要附加，例如加唔加小食，一目了然，我個人幾喜歡呢種下單方法，可以咩都唔曬講就叫咗嘢食佢嘅咖哩豬扒飯係我想重點推介嘅！因為真係炸得啱啱好！好香趣，好juicy!! 個咖哩汁可以自行用上，唔會預先幫我哋落咗，所以可以keep到塊豬扒勁趣勁鬆化！好正！咖哩有辣味，啱曬鍾意食有少少辣嘅朋友仔。如果唔好辣嘢同怕熱氣，可以試下豬手飯，都幾okay，好淋，算入味