Opa Mediterranean Bar and Bistro (Closed)

朋友話想食下吾同國家既菜式，佢就帶左我去尼間地中海餐廳，餐廳好大間，有2個大門口完全無門，一眼就望到入面有好多座位，餐廳燈光好有情調好有氣氛適合傾計談心職員係外國人講英文覺得high class好多🤔好彩餐牌中英對照，不過有好多未見過既菜式，同埋好多種食物都寫有辣椒同埋少量調味粉，咁樣都幾方便客人知道食物入有咩調味料，吾會上餐食落口先發現係辣而無辦法食個種食物我揀左OPA四重芝士薄餅同埋大頭蝦龍蝦汁扁意粉，芝士薄餅熱辣辣送上，好重芝士味好邪惡，大頭蝦比我想像中大好多倍，剩係蝦頭已經大隻過我平時食既大頭蝦，職員仲會點火燒一燒隻蝦，味道幾特別