Video
Read full review
2021-07-06
45 views
今日返工又係忙到抽筋忙到lunch 10分鐘食咗個杯麵就繼續做😵💫不過辛苦係有回報嘅，俾我早個半鐘收工😛放工一刻肚餓到懷疑人生，即刻去搵嘢食～於是決定行過黎北角滙地下嘅呢間台式餐廳試下佢～餐廳其實就係正正喺北角滙商場正門入口前嘅左手邊姐，好容易搵到！可能因為呢個鐘數（17:00）冇咩人啦，我一入到去第一個感覺係舒適嘅，有遠離繁囂嘅寧靜😂 另外餐廳枱櫈地板亦都乾淨整潔，坐得都幾舒服，抵讚！另外一如以往，我對於有紙巾供應嘅餐廳係特別有好感👍🏻坐低咗之後嘅第二個感覺就係好L肚餓🤣呢個鐘數仲有下午茶嘅，但我睇過可能唔係好夠我食，所以我轉左去睇佢哋嘅全日供應餐牌！大部份都係$50-70，價錢合理！至於啲台式飲品就$2-30杯到啦，跟餐可以減$8 Anyway，最後我叫咗其中一款招牌：小巷弄半筋半肉牛骨湯麵 $70，另外加多杯輕芝士岩鹽奶蓋烏龍茶（+$19）由於太肚餓，我叫多左個小食 香辣鹽酥大雞扒（$38）大約等咗15分鐘左右啲嘢食都已經黎晒喇！半斤半肉嘅牛肉湯麵🍜 肉嘅部份係厚切牛𦟌，非常淋，一咬就開，又唔黐牙，好正！邊個牛筋相反唔會滷到好淋好爛，食落係有咬口個隻，又好有膠質喎😋 至於嗰個牛
忙到lunch 10分鐘食咗個杯麵就繼續做😵💫
不過辛苦係有回報嘅，俾我早個半鐘收工😛
放工一刻肚餓到懷疑人生，即刻去搵嘢食～
於是決定行過黎北角滙地下嘅呢間台式餐廳試下佢～餐廳其實就係正正喺北角滙商場正門入口前嘅左手邊姐，好容易搵到！
可能因為呢個鐘數（17:00）冇咩人啦，我一入到去第一個感覺係舒適嘅，有遠離繁囂嘅寧靜😂 另外餐廳枱櫈地板亦都乾淨整潔，坐得都幾舒服，抵讚！另外一如以往，我對於有紙巾供應嘅餐廳係特別有好感👍🏻
坐低咗之後嘅第二個感覺就係好L肚餓🤣呢個鐘數仲有下午茶嘅，但我睇過可能唔係好夠我食，所以我轉左去睇佢哋嘅全日供應餐牌！大部份都係$50-70，價錢合理！至於啲台式飲品就$2-30杯到啦，跟餐可以減$8
Anyway，最後我叫咗其中一款招牌：小巷弄半筋半肉牛骨湯麵 $70，另外加多杯輕芝士岩鹽奶蓋烏龍茶（+$19）由於太肚餓，我叫多左個小食 香辣鹽酥大雞扒（$38）
大約等咗15分鐘左右啲嘢食都已經黎晒喇！
半斤半肉嘅牛肉湯麵🍜 肉嘅部份係厚切牛𦟌，非常淋，一咬就開，又唔黐牙，好正！邊個牛筋相反唔會滷到好淋好爛，食落係有咬口個隻，又好有膠質喎😋 至於嗰個牛肉湯底就正正常常啦，飲落去唔係死鹹，唔會口渴！另外真係要讚一讚個條大大嚿嘅蘿蔔！一嚟夠大件唔孤寒，二嚟係煮得夠淋食落完全無渣仲食到蘿蔔本身嘅甜味！
至於個鹽酥雞扒炸得香脆，上面落咗少少辣椒粉（不過唔夠多，食唔到辣味）個雞扒都炸得幾好，都仲Juicy嘅！
最後呢就係杯芝士奶蓋茶！我見到係即刻叫即刻喺個水吧到整，好好飲啊！岩鹽芝士奶蓋好滑好厚實，飲到最尾都仲見到成層芝士奶蓋，唔會溶晒喺杯茶度！而個烏龍茶底甜到亦都岩岩好！
食到最尾先見到有一樽辣菜泡任加🤦🏻♂️遲咗少少都幾好！唯有下次再試啦！
整體來講呢間台式餐廳真係幾高質！
Post
