Video
Read full review
2019-12-01
4255 views
朋友揀咗呢間餐廳慶生，話夠冷門喎 🤭訂咗位 7 點，餐廳無打過嚟覆檯，上到去唔算多人諗住揀梳化位，點知接待我那侍應話梳化位留返比啲 2 人 座，我哋 3 人座啲四人檯啦。 。 。咁我就揀咗窗口位。 。 。嗰時心諗係咪中咗伏呢。 。 。到我坐定定四圍望，先發覺餐廳佈置其實好靚，堅有東歐風味，咁我影吓相啦，點知剛才那侍應話不如幫我影張相，我話唔駛，點知佢話影出嚟好靚架，我唔好意思再推就影咗啦，又真係好靚嘅 😅😅朋友嚟齊，主角見羅宋湯唔係用牛肉就話想試吓，另外個朋友話想試牛肉湯，咁我就叫個南瓜忌廉湯啦，烏黑蘭羅宋湯原來主角係紅菜頭唔係蕃茄，主角好喜歡，個牛肉湯就好清甜，牛腩夠晒淋，而我個南瓜忌廉湯好稠，好滑。磨菇薯仔餃子有啲特別，但食唔到磨菇味，餃子皮有點厚。最有驚喜嘅係香燒豬肋骨，上檯時加啲著咗火嘅酒淋上面，令豬肋骨更香口，本身豬肋骨已經夠味，食落仲好淋身，朋友都大讚 👍👍👍燒春雞送上嚟時係原隻，跟住喺我哋面前剪細件，食落好夠味，跟碟附上啲醬汁都可以唔點。朋友已經諗下次再同其他朋友啲試其他菜。另外一題，餐廳喺我哋享用緊美味食物時不知不覺坐滿晒，仲睇得出好多係熟客。餐廳有個外國人樣靚仔侍應識
訂咗位 7 點，餐廳無打過嚟覆檯，上到去唔算多人諗住揀梳化位，點知接待我那侍應話梳化位留返比啲 2 人 座，我哋 3 人座啲四人檯啦。 。 。咁我就揀咗窗口位。 。 。嗰時心諗係咪中咗伏呢。 。 。
到我坐定定四圍望，先發覺餐廳佈置其實好靚，堅有東歐風味，咁我影吓相啦，點知剛才那侍應話不如幫我影張相，我話唔駛，點知佢話影出嚟好靚架，我唔好意思再推就影咗啦，又真係好靚嘅 😅😅
朋友嚟齊，主角見羅宋湯唔係用牛肉就話想試吓，另外個朋友話想試牛肉湯，咁我就叫個南瓜忌廉湯啦，烏黑蘭羅宋湯原來主角係紅菜頭唔係蕃茄，主角好喜歡，個牛肉湯就好清甜，牛腩夠晒淋，而我個南瓜忌廉湯好稠，好滑。
磨菇薯仔餃子有啲特別，但食唔到磨菇味，餃子皮有點厚。
最有驚喜嘅係香燒豬肋骨，上檯時加啲著咗火嘅酒淋上面，令豬肋骨更香口，本身豬肋骨已經夠味，食落仲好淋身，朋友都大讚 👍👍👍
燒春雞送上嚟時係原隻，跟住喺我哋面前剪細件，食落好夠味，跟碟附上啲醬汁都可以唔點。
朋友已經諗下次再同其他朋友啲試其他菜。
另外一題，餐廳喺我哋享用緊美味食物時不知不覺坐滿晒，仲睇得出好多係熟客。
餐廳有個外國人樣靚仔侍應識得講廣東話，膚淺的我以為個靚仔只係打工仔，另有位烏黑蘭女士，我哋見個靚仔同嗰位女士傾談用外國語言，朋友好奇就問個靚仔係咪用俄語同女士傾計，靚仔話係烏黑蘭語，我哋好奇佢識講，點知靚仔話個位女士係佢媽媽嚟。 。 。我哋即時唔好意思咗。 。 。
我哋邊走邊講笑，話好彩無問埋點解佢識講廣東話，一陣佢話幫我影相個侍應係佢亞爸就尷尬死。 。 。 點知朋友上網真係揾到嗰個係佢亞爸 🤭🤭🤭
Anyway, 呢間餐廳的確值得推介，裝潢美觀，食物美味 👍👍👍
牛肉湯，羅宋湯，南瓜忌廉湯
104 views
0 likes
0 comments
磨菇薯仔餃子
126 views
0 likes
0 comments
燒春雞
133 views
0 likes
0 comments
Post
