Video
Read full review
2020-07-07
199 views
大熱天時, 有時放工後真係好想快快手碌返屋企, 沖個涼再舒舒服服嘆晚餐! 咁熱嘅天氣最好唔駛開爐煮餸, 叫外賣係最適合的! 早幾日喺見到韓烤都有得外賣, 即訂嚟試試! 我喺荃灣就自取啦 (有8折)…工廠大廈內, 因為夜晚正門會關門, 所以要經停車場入! 廠房乾淨企理, 所有食物由韓國人 (老闆娘?) 親手煮, 味道應該會較正宗及有信心保證呢…包裝整齊, 還附上保溫袋! 我選定醬油烤五花腩2人套餐 $248, 另加33% 肉 $38! 小食選取韓式炸魚糕 $48 & 辣炒湯年糕 $48! 首先講下五花腩套餐! 一大盒雜錦沙律菜, 再搭配一盒雜錦, 包括: 酸辣韭菜沙律、韓式醃蘿蔔、, 炒酸辣泡菜、生蒜片、青辣椒片、包飯醬及椒鹽純芝麻油! , 全部菜都好新鮮, 如果有紫蘇葉就好喇! 包飯醬及椒鹽油都係好正宗的韓國味道, 泡菜唔太酸啱晒我, 最有驚喜係蘿蔔, 唔太酸甜甜哋, 又爽口, 超好味! 腩肉半肥瘦, 肥膏部份經過煎香後剛剛好! 煎肉火喉控制得宜, 外層香脆內裡唔會乾身, 肉味香濃! 碟底發現有少少菇及洋蔥, 已吸收肉汁精華, 精髓啊! 辣炒湯年糕, 韓國街頭小食! 唔會太辣, 年糕煙
我喺荃灣就自取啦 (有8折)…工廠大廈內, 因為夜晚正門會關門, 所以要經停車場入! 廠房乾淨企理, 所有食物由韓國人 (老闆娘?) 親手煮, 味道應該會較正宗及有信心保證呢…包裝整齊, 還附上保溫袋!
我選定醬油烤五花腩2人套餐 $248, 另加33% 肉 $38! 小食選取韓式炸魚糕 $48 & 辣炒湯年糕 $48!
首先講下五花腩套餐! 一大盒雜錦沙律菜, 再搭配一盒雜錦, 包括: 酸辣韭菜沙律、韓式醃蘿蔔、, 炒酸辣泡菜、生蒜片、青辣椒片、包飯醬及椒鹽純芝麻油! , 全部菜都好新鮮, 如果有紫蘇葉就好喇! 包飯醬及椒鹽油都係好正宗的韓國味道, 泡菜唔太酸啱晒我, 最有驚喜係蘿蔔, 唔太酸甜甜哋, 又爽口, 超好味!
腩肉半肥瘦, 肥膏部份經過煎香後剛剛好! 煎肉火喉控制得宜, 外層香脆內裡唔會乾身, 肉味香濃! 碟底發現有少少菇及洋蔥, 已吸收肉汁精華, 精髓啊!
辣炒湯年糕, 韓國街頭小食! 唔會太辣, 年糕煙煙靭, 魚糕軟滑, 好想快啲可以飛轉韓國呢….
韓式炸魚糕, 好有驚喜! 初時食落覺得怪怪, 又乾又硬, 不過咬下咬下又覺得幾好味, 唔覺唔覺就食晒成盒! 老闆話韓國人對魚糕有多種食法, 其中一種係加糖…聽落好怪, 不過食落完全唔怪, 甜甜哋送啤酒一流!
好滿足的一餐! 在家食韓烤而唔會有油煙味…超讚!
Post
