Video
Read full review
2017-10-27
590 views
上次同朋友入去大圍食野嗰時行過見到博多拉麵，約好左今次要食呢間! 大約7點左右入座，唔洗等位。服務員服務態度好好，喺我地討論緊食咩好嗰時向我地說明推介唔同食物，解釋番食物既特點，好專業！最印象深刻係，聽到隔離枱落單時，兩位客人分別點左拉麵同飯，服務員解釋:「飯既製作時間會快過拉麵，請問需唔需要一齊上菜? 我地可以因應番個料理次序」，考慮埋平時同枱會等埋食物先一齊開始食，但又唔想因為要客人等待而錯過左食物最好既狀態，好專業！最後我點左份<風>豚雞骨魚介拉麵，見佢喺咁多拉麵之中係最清淡，而點拉麵既時候亦可以選擇麵條軟硬，湯底味道濃淡，加蔥與否。我今次選擇左普通麵質，淡味，唔加蔥，試下清淡既拉麵。飲左啖湯底，佢清淡得黎有一種魚香，好易入口，又唔會好似出面飲味精湯咁會口渴。拉麵個感覺還可以，可能由於個湯比較出色，所以覺得個拉麵無乜特別。兩塊豚肉食落唔太咸，吊到味，油份亦十分適中，入口唔會覺得油膩。如果唔鐘意食太濃味既朋友，呢個拉麵好適合你。朋友亦都叫左個脆炸海老餃子一齊分享。34蚊4件，都還算ok。不過比起拉麵就感覺普通左少少，同平時食到既炸餃子分別不大。不過佢比左芝麻醬我地點
最後我點左份<風>豚雞骨魚介拉麵，見佢喺咁多拉麵之中係最清淡，而點拉麵既時候亦可以選擇麵條軟硬，湯底味道濃淡，加蔥與否。我今次選擇左普通麵質，淡味，唔加蔥，試下清淡既拉麵。飲左啖湯底，佢清淡得黎有一種魚香，好易入口，又唔會好似出面飲味精湯咁會口渴。拉麵個感覺還可以，可能由於個湯比較出色，所以覺得個拉麵無乜特別。兩塊豚肉食落唔太咸，吊到味，油份亦十分適中，入口唔會覺得油膩。如果唔鐘意食太濃味既朋友，呢個拉麵好適合你。
<風>豚雞骨魚介拉麵
$81
20 views
0 likes
0 comments
朋友亦都叫左個脆炸海老餃子一齊分享。34蚊4件，都還算ok。不過比起拉麵就感覺普通左少少，同平時食到既炸餃子分別不大。不過佢比左芝麻醬我地點黎食，個醬係唔錯，同炸餃子一齊食都幾夾，所以加番少少分比佢。
脆炸海老餃子
$34
10 views
0 likes
0 comments
另外兩位朋友點左<林>竹炭黑蒜油拉麵 同埋 <火>辛口肉味噌拉麵，試左一啖竹炭黑蒜油拉麵既湯底，有好強烈既蒜香味，可能係因為我本身份拉麵係淡味，所以個感覺更強烈。個湯底飲落係好香，幾岩鐘意蒜香同濃味既朋友仔。
最後要提下佢既水，水質對一間拉麵店既湯底好重要，的確佢比客人既飲用水係寫住用左「備長炭淨化」，一開始飲無乜味，比起平時喺屋企飲自己煲既水更加無味。或者可能係平時我地都市人飲既水無咁純，所以唔係太習慣
Other Info. :
呢間係一間好有誠意既日本拉麵店！
(The above review is the personal opinion of a user which does not represent OpenRice's point of view.)
Post
