黑木亭居酒屋 (金馬倫道)

餐廳裝潢好有特色，充滿日式氣氛🥗流心蛋脆片薯仔沙律 $98軟淋嘅薯蓉沙律入面有流心蛋，再加上清新爽口嘅沙律菜同埋香脆嘅粟米片係上層，全部混合一齊食，口感層次非常豐富！🐟黄金片立鱗燒 （3件）$198擺盤好精緻，外層嘅魚皮酥脆可口，裡面嘅魚肉鮮美多汁，鋪喺魚下面甜鹹調和嘅醬汁同魚配合得恰到好處。🍲骨膠原奶蓋牛骨鍋配韓式拉麵 $298熱騰騰嘅牛骨鍋，裡面有大量軟嫩多汁又好夠淋嘅牛肉，再加上清甜的紅白蘿蔔等配料，非常豐富！食到咁上下可以將韓式拉麵放落鍋入面，拉麵咬落去煙煙靭靭，完美吸收鍋中的濃郁香味。🥤百香果荔枝梳打 $68好清新嘅梳打飲品，味道酸甜適中，上面有一串新鮮荔枝做點綴。🥤藍蝶花佛手柑熊茶 $78顏色調配非常靚嘅飲品，裡面有數朵玫瑰花，仲有好可愛嘅熊仔造型冰塊，非常適合打卡，飲落去酸酸甜甜~餐廳環境舒服，座位寬敞，係聚會食飯嘅好地方。