越男棍

Open Now

Now Closed

今日終於都試咗啦！記住係「男」唔係「南」呀！好似係越南人開，店舖細細只有外賣，而且工作人員唔多，如果單多可能要等耐少少，新開張都幾多人幫襯，晚上唔係太夜所有嘢已經賣晒。之前攞咗張外賣紙，今日諗定叫乜，點知老公去到店家話menu有啲更改咗。😅本身諗住叫，1。越南法包 烤牛肉+$跟餐 小食：越南春卷，飲品：芒果薄荷梳打水「冇」改：經典青檸薄荷梳打水2。香茅豬扒湯河，豬扒「冇」改咗烤豬，整體全部都覺得好食，法包唔過硬，啱啱好脆口，配料好足，牛肉亦唔少，味道我覺得好食過元朗另一間XX表嫂。烤豬湯河，豬肉份量好多，好抵食，春卷都唔錯，青檸梳打正常合挌，一定會再試。😁營業時間唔太記得，下次再更新，另外佢而家暫時逢星期一休息。