料理処:森 (Changed Hand)

之前有朋友介紹話呢間新派日本菜啲刺身同天婦羅好出色，今晚終於有機會試一試豪食一番。裝修果然有氣派，好高樓底仲有啲好有格調嘅吊燈。經朋友幫手訂位，可以坐到魚生Bar枱，感覺好正。坐低左之後侍應就俾左個Menu我睇，之前朋友講過可以講低Budget叫師父幫手點菜，我就梗係老實不客氣話要刺身壽司同天婦羅，預算700左右啦，之前朋友話呢個價食到好多好野！先黎漬物同沙律，酸酸甜甜好開胃魚生師父就準備左一個刺身碟放左係我個位前面開始上刺身可以近距離睇住師父為自己切魚生，仲可以問佢野添，真係第一次刺身係一件一件咁上，食晒師父先會再切俾我。刺身：金線鯛，平鯛，油真鯛，笛吹，北海道甜蝦，慈魚，老翁，Toro壽司：赤背壽司，燒左口魚壽司，北海道鹽水海膽壽司，燒和牛壽司刺身壽司上完，侍應就送上雪芭同天婦羅醬料，有海鹽同柚子鹽天婦羅都係一件一件上。蝦天婦羅，有埋蝦腳卜卜脆好得意，仲有燒海鰻(穴子)天婦羅同姬小鯛天婦羅食到呢味已經開始飽，好在師父話夠的話可以叫停最後點都要試埋朋友推介嘅炸蝦餅飯有生果或雪榚做甜品朋友無講錯，呢道食野同出面有啲唔同，食物出色之餘仲感受到師父好有Heart，好有水準，一定要再黎。