串燒佬 (Closed)

晚市終於開返啦，又好耐無食串燒，因為串燒如果外賣既話始終無堂食咁正。今日去左觀塘成業工業大廈呢間串燒佬食串燒。燒肉又叫啲、蔬菜又叫啲，同朋友吹水慢慢食。串燒我好怕燒到乾爭爭，但呢度唔會呀，掂。有幾個3個辣度同唔辣揀，我全部都試哂少辣。韮菜、四季豆、秋葵、露筍，燒得整理靚仔，啲蔬菜好新鮮，唔會有渣。脆皮雞翼尖好過癮，自己落辣粉，shake兩 shake 食得，雞翼尖又脆又香。肉就叫左川辣雞脾肉、野味燒牛肉、炭燒黑豚肉、皇牌燒雞中翼 、爽口燒豬頸肉同燒爽口牛丸，啲肉全部都好嫩，調味適中，好惹味，好滿意。