魚鈁 (汝州街) (Closed)

今日約左朋友聚下，之後又太耐冇食火鍋，所以就黎左呢間魚鈁食。我地叫左大鍋嘅重慶雞煲、原味焗蜆。至於飲品方面我地就叫左珍寶菠蘿雪山(菠蘿+椰汁)同珍寶紅豆冰。先講個雞煲，佢有分同辣嘅程度，可以滿足唔同人嘅口味。而且個雞煲真係好大煲，我地幾個人都係差D食唔曬。而佢D雞好好食配埋D辣味簡直一流。至於焗蜆我覺得真係必食，因為真係好好食，食嘅時候可以將蜆肉放落去D汁度，個汁有麻油味，所以聞同食嘅時候好香同好好食。另外野飲方面，呢杯珍寶菠蘿雪山大就真係大杯嘅，而且佢可以消消雞煲嘅辣味，但美中不足嘅就係杯野冇乜菠蘿味。而杯紅豆冰就冇得講，因為大杯、多紅豆，而且好好飲，一流。