鐵牛台灣牛肉麵 (旺角中心第一座) (Closed)

一向好中意食台灣菜嘅我，所以同朋友行完旺角之後就嚟試食下呢間鐵牛，點知試完真係覺得唔錯，所以要推薦比大家。逢甲鹽酥雞肉燥湯面我其實好中意食鹽酥雞，每次食台灣菜，係必叫鹽酥雞，今次都唔例外要叫雞食😂😂。而佢啲雞都冇令我失望😍，佢啲粉又唔會話太厚，而且外脆內軟，肉汁又多，真係好好食。至於個面都令我相當驚喜，本身見佢d湯飲落相當之鮮甜，應該係加咗牛肉或牛骨落去一齊煲個湯底，所以勁好飲鮮蕃茄牛筋腩湯面朋友就試咗呢個，雖然佢一直話d湯太甜，落咗好多糖，但佢對d牛肉讚不絕口，煮得又入味，d肉又淋，佢本身好少食肉都忍唔住食哂🤭，証明真係好好食。