小酒窩餐廳

Open Now

Now Closed

上網見到都好多人有提過呢間尼泊爾餐廳好耐，所以就搵咗一晚去試吓佢嘅人尼泊爾餐。一入門口就有一浸濃濃嘅咖喱味，坐低之後個店員亦都好快擺低咗個前菜，個前菜係幾塊脆餅加個醬，唔係好記得個名，但係真係好好食，係一陣間就已經食晒之後叫咗一個咖喱雞配薄餅，仲有個吞拿魚沙律，再加多一份尼泊爾餃子。本身以為每一份都唔會好大，所以就嗌咗三個主菜，點知真係好大份，淨係食完個沙律已經好飽個吞拿魚真係好好食！然後上咗咖喱雞，因為都係好食，就算飽都忍唔住都要繼續食落去！個咖喱雞好入味，個咖喱醬都好正好香，配埋個薄餅點嚟食，真係好正之後上埋嗰個尼泊爾餃子，個餃子就正正常常，但係配埋嗰個辣醬真係不得了，辣辣地好好惹味下次真係要叫少一份，要好好享受每一個主菜！