EL Dining (Closed)

一入到泥，就被成個環境氣氛吸引，好有情調～ 又有靚景睇～而且待應好健談，又好主動，服務很好。吃了一點法飽後就來了前菜～水牛芝士沙律： 水牛芝士本身同蕃茄就是絕配，清清的水牛芝士同新鮮既大蕃茄夾埋一齊係二重既juicy! 火箭菜也好新鮮，最上的是乾身而脆卜卜的芝士脆片，令成個晚餐有個good start! 南瓜湯：好鮮味，而且料也很足，南瓜味重，仲有D蟹肉，成個湯好香滑同鮮甜，另外加了點cracker，令口感更rich。香煎鵝肝多士：鵝肝都幾厚的，煎得好香，細細塊再配埋個酸酸甜甜既蘋果醬完全唔會膩！多士烤到好香脆，夾埋入口即溶既鵝肝真係冇得彈！慢燉牛頰肉：第一次食牛頰肉，口感係一個新世界。首先，牛既味道一點都不騷，而肉質係好嫩滑的！！！牛肉同牛筋既分佈好平均，入口即化，仲有少少黏黏的膠質感。加上配菜係好香奶味既滑薯蓉，整道菜係好滑既組合。焦糖燉蛋：連甜品也好有質素的。焦糖脆，燉蛋滑而且好香好香雲呢拿味！係好好食既焦糖燉蛋。