Hakata Concepts

Open Now

Now Closed

位於黃金海岸商場一樓戶外，環境好大好舒服。對出望到海，晚上有星星月亮，戶外藤椅好有小島feel，日頭嚟打咭一流。晚上係度食下野🍗，嘆返杯🍹，傾下偈，真係好chill😌，最重要唔嘈，真係可以慢慢傾。如果覺大風，有啲位有暖爐，好貼心。戶外以小食飲品為主，如果飯後嚟飲杯野Happy Hour有Buy 1 Get 1。🍽️是晚餐點：🧆章魚小丸子 $78乾身，皮較脆，味道OK。🍝明太子忌廉烏冬 $98黑碟配粉紅色醬好夢幻，面頭仲有啲花瓣做裝飾好靚。🍗吉列拼盤配他他醬 $128吉列蠔果然冇失望，蠔味好出，吉列唔太厚，好味。芝士薯餅嘅流心芝士要趁熱食，鐘意😋。有少少失望係炸蝦換左炸雞槌，不過都好食，juicy而且有造型，不過我想食蝦囉😆。🍱兒童樂園餐 $138難得有兒童餐，就童心一下啦🤣。份量唔細，有沙律，茶碗蒸，玉子燒，烏冬，炸物。雖然都係烏冬，但唔係明太子忌廉烏冬果隻，係扁身幼啲，口感唔同。🍸Hemingway Daiquiri $98非常易入口，好fresh。Rum酒底，以鮮檸汁，西柚汁調配。🍹LE Blood orange tonic $55就係有味有汽，水囉😆。