武士拉麵 (Closed)

前嗰排有個朋友話喺尖沙咀有間幾好味嘅拉麵店，前兩晚見有啲時間就特登去嗰度試吓佢哋嘅拉麵。去到嗰度見到要排一陣隊，就覺得應該係真係幾好味。間鋪頭出邊有佢哋拉麵嘅說明圖。入到店裏面有一種溫馨嘅感覺，師傅係你面前問我食啲乜，如果唔知道食乜好，師傅會好有善，好有心機咁，解釋俾我哋知。啲服務員態度都好親切。我點左一個真田將軍拉麵（豬軟骨拉麵）加蛋，我朋友點左九州地獄（辛辣地獄拉麵）。係等待個面嘅時候我見到枱上面有唔同嘅調味品覺得最特別嘅呢就係個黑椒辣油。所以我就問佢點樣食啦師傅話俾我知，個辣油係要大大羹連埋一堆黑椒放入口咀嚼。我本人覺得個黑椒由連埋啲黑椒一齊擺入口食係幾食架，因為個黑椒油有好濃好香嘅黑椒味，而且好有趙口。個辣椒油都唔錯。個真田將軍拉麵個湯底有魚香味，濃得來又帶啲清甜，一啲都唔膩。果舊豬軟骨真係好好味，啲肉得非常之冧，而且好有肉味，連啲軟骨同筋都煮得好冧，同入味。啲拉麵好特別，同出面啲拉麵條有啲唔一樣，而且口感唔錯。個蛋煮得都好好味，個黃溶溶地，入口香甜。而且＄10隻都唔貴。個九州地獄（辛辣地獄拉麵）都幾辣，正。有啲似辛辣麵再香辣啲，甜啲同香濃啲。嗰個叉燒非常難得因為有黑椒喺面，而