Video
Read full review
2019-03-03
457 views
價錢屬於中位嘅"彩"set已經包含咗非常多道菜 包括有前菜/刺身/熱食/壽司/湯/同甜品❤️食完飽到上心口 而且每樣食物嘅質素都屬於中上 環境又舒服 超滿足啊-✏️彩 ($1280/位)-前菜: 鰻魚苗 || 生蠔 || 安鱇魚肝配威化鰻魚苗我都係第一次食😆個質感有少少似蒟蒻 口感好特別啊 而生蠔新鮮同埋唔會有腥味 不過我最鍾意係呢個魚肝夾威化 鹹香十足之餘 同超脆嘅威化食落味道好夾🙃🔹刺身: 左口魚及裙邊 || 赤貝 || 深海池魚 || 北海道毛蟹配蟹湯啫喱 || 中拖羅配魚子醬 || 燒拖羅由於一開始就同左師傅講我唔食得蝦 所以之後落嚟嘅刺身同壽司都唔會有蝦嘅存在🌚但就試咗好多款拖羅🥰芸芸刺身當中 我最鍾意食佢嘅拖羅😛中拖羅配魚子醬係完全唔需要點醬汁食 有拖羅原本嘅鮮味之餘 又帶鹹鹹地嘅魚子醬調味 而且拖羅完全食唔到筋 肉質好鮮嫩啊另外用紫菜包住嘅燒拖羅又係另外一番風味 拖羅比火槍灸燒過 魚油係一食落口就充滿成個口腔 魚肉燒過後更加入口即溶🥰魚油香好濃郁 真係勁正❤️🔹熱食: 汁煮金目鯛其實我都真係幾鍾意食魚🐟所以見到熱食都係煮魚 其實幾興奮🤪份量一啲都唔吝嗇 好大碗 煮魚個汁係甜甜地
-
✏️彩 ($1280/位)
-
前菜: 鰻魚苗 || 生蠔 || 安鱇魚肝配威化
鰻魚苗我都係第一次食😆個質感有少少似蒟蒻 口感好特別啊 而生蠔新鮮同埋唔會有腥味 不過我最鍾意係呢個魚肝夾威化 鹹香十足之餘 同超脆嘅威化食落味道好夾🙃
🔹
刺身:
左口魚及裙邊 || 赤貝 || 深海池魚 || 北海道毛蟹配蟹湯啫喱 || 中拖羅配魚子醬 || 燒拖羅
由於一開始就同左師傅講我唔食得蝦 所以之後落嚟嘅刺身同壽司都唔會有蝦嘅存在🌚但就試咗好多款拖羅🥰芸芸刺身當中 我最鍾意食佢嘅拖羅😛中拖羅配魚子醬係完全唔需要點醬汁食 有拖羅原本嘅鮮味之餘 又帶鹹鹹地嘅魚子醬調味 而且拖羅完全食唔到筋 肉質好鮮嫩啊
另外用紫菜包住嘅燒拖羅又係另外一番風味 拖羅比火槍灸燒過 魚油係一食落口就充滿成個口腔 魚肉燒過後更加入口即溶🥰魚油香好濃郁 真係勁正❤️
🔹
熱食: 汁煮金目鯛
其實我都真係幾鍾意食魚🐟所以見到熱食都係煮魚 其實幾興奮🤪份量一啲都唔吝嗇 好大碗 煮魚個汁係甜甜地嘅 煮熟左嘅魚肉肉質都絕對唔俾刺身差😛而且配合着個醬汁好夾😚好快比我清晒🤪同埋食呢個魚嘅時候好有日式家庭料理嘅感覺😆
🔹
壽司: 帆立貝 || 針魚 || 金目鯛 || 海膽 || 三文魚籽 || 油口魚邊 || 中拖羅卷
刺身嘅質素相當高之餘 壽司自然都唔會差🤪而且佢嘅壽司包含咗好多種魚 可以每樣都試吓真係覺得好好😚壽司醋飯調味剛剛好 而且飯粒唔會乾/硬
當中我最鍾意食嘅係海膽,三文魚籽同油口魚邊😚海膽食落一啲腥味都冇 帶微微鮮甜 三文魚籽食落有濃郁嘅魚油香 充滿成個口🥰而油口魚邊係入口即溶 我覺得味道同左口魚好相似 不過魚味就在濃郁啲
🔹
湯: 魚湯
魚湯飲落好鮮甜 而且係飲得出唔係味精加工調味嗰隻 係本身嘅食材好新鮮 而且另外仲有菇菌同埋好滑嘅豆腐粒粒😛
🔹
甜品: 黑芝麻牛奶雪糕 || 炸忌廉芝士紅豆卷
當我地已經食到飽到上心口嘅時候 先記得原來仲有甜品😆而且甜品相當有驚喜啊
個黑芝麻牛奶雪糕雖然黑芝麻味唔算好濃郁 不過個牛奶香係非常之重!同喺香港普通食嘅雪糕嘅好唔同🤪而且成個口感好rich 唔算好甜 真係好好食😛個炸忌廉芝士紅豆卷同樣唔錯 外皮係炸到好香脆 重點係完全唔會覺得油膩 食落仲係熱熱地 忌廉芝士配微甜嘅紅豆蓉好夾 甜品嘅質素都完美咁完結左呢餐omakase🥰
Post
