發記甜品 (Closed)

同老婆仔及屋企人係附近食完燒鵝，諗住走人。點知道俾老婆仔捉咗入呢間發記食番個甜品先，叫咗個芒果班戟，同埋朱古力心太軟。當然個芒果班戟首先有得食，好香嘅芒果，正吖，食完啦。但係個朱古力心太軟仲未到，因為要即刻整嘅關係，所以要多小小時間，等咗大約20分鐘，終於等到啦……!好香嘅朱古力味，一切開……好多朱古力流出黎，超級正吖。個環境又幾好，唔太嘈，2個人仲可以慢慢傾下計。可能時間仲早啦，無乜人，走嘅時候門口就有巴士，小巴。值得推介。