Castle Cafe (Closed)

今日同同事食lunch走過嚟呢一間餐廳叫做castle cafe .未到12點半已經人頭湧湧，接近滿座啦。我同朋友叫左美式燒汁雜扒飯，而我就叫左德國鹹豬手拼螺絲粉。等左唔夠3分鐘，先來一個羅宋湯同南瓜湯。南瓜湯做得好出色，南瓜蓉加上忌廉好配合，唔會有太油膩嘅感覺。主菜嚟啦～我同事果個份量非常大，有司華力腸、雞扒、牛扒。配上濃厚燒汁，非常滿足。牛扒同雞扒唔會煎太乾身，點汁剛好。而我果個德國鹹豬手拼螺絲粉，一定要讚。佢有好多唔同嘅選擇你可以配飯、薯角、意粉或者係螺絲粉。我就揀咗螺絲粉!亮點係鹹豬手，鹹豬手皮厚香脆，充滿骨膠原。肉質嫩滑又唔會鞋颯颯，肥瘦相間。雖然體積唔係好大，但係已經好飽肚。螺絲粉份量勁多,食完勁滿足。最後叫咗凍奶茶同埋凍檸茶，奶茶茶香味濃,唔錯啊！大家lunch有多一個選擇啦！喱間真係好滿足好飽肚。不妨同朋友尼試下!