辣辣屋

Open Now

Now Closed

山長水遠去咗粉嶺搵朋友仔，當然要問地膽王有咩餐廳好介紹啦，佢介紹我食「辣辣屋」，竟然介紹一個食唔到辣嘢嘅朋友去食辣野，原來「辣辣屋」唔係淨係食辣嘢，都有好多唔同選擇。原來雞煲同烤魚要5:30後先有得食，唯有食住下午茶先啦，下次有機會嚟粉嶺一定要試🤣我叫左一個西冷牛扒，有烚蛋沙律、炒野菌、茄汁豆和奶油豬 $52，真係好抵食😋塊牛扒勁大塊，而且烚蛋沙律係用他他醬整，奶油豬很香脆。朋友叫了一份煎雞扒，有沙律、薯條和西多士 $40。茄汁和糖醬是另上。雞扒不會煎得很乾，醃得很入味，薯條更炸得剛剛好。臭豆腐 $48，份量很多，醬汁有甜醬和辣醬。吃了一口令我想起台灣的臭豆腐。蒜香黃金皮蛋 $42，好特別，第一次食皮蛋入面有流心既效果😋口水雞 $48 ，帶有少少辣，雞件不會太過肥膩。最後叫了兩杯凍飲，分別係香濃咖啡和奶茶。