Video
Read full review
2017-08-02
868 views
N年前喺FB玩game add嘅朋友T，中間都有見面交收7仔玩具，今日終於約出嚟食飯，朋友T想喺港島區食，上openrice揀咗幾間食店，最終決定試斯里蘭卡菜店內環境好有特式，牆壁同櫈嘅圖案原來係年輕嘅夫妻(老闆同老闆娘）親手繪畫我同朋友T睇完Menu都唔知係咩食物，我哋請老闆娘為我哋介紹，佢話今日咖哩有雞、牛、魚、扁豆同青豆，我哋叫咗兩款食物share蒸米粉配咖哩雞～米粉微熱配咖哩幾好味，有小小似咖哩撈米粉咁薄餅配咖喱扁豆～原來唔係我哋諗嗰款薄餅（薄脆嗰款），呢款係軟身嘅，咖哩扁豆香料味比較重，同埋我夾薄餅一齊食時咬到香料，唔知係豆蔻定其他香料，嗰個味喺個口到散開好辛苦，唔知可唔可以用茶葉袋袋起比較細嘅香料先一齊煮呢👉🏻👈🏼，咪就可以避免到呢個小問題我哋最後都忍唔住叫埋牛肉角，超好味我哋傾到天昏地暗，見到其他人客走哂先如夢初醒，原來9:00啦！人哋收工啦！真係唔好意思，馬上結賬，多口問老闆娘點解牛肉角皮唔同咗（openrice睇相），佢話因為有客人話之前嗰款皮比較厚食咗已經半飽，所以而家改咗用春卷皮，重視客人嘅評論，再改進才有進步
店內環境好有特式，牆壁同櫈嘅圖案原來係年輕嘅夫妻(老闆同老闆娘）親手繪畫我同朋友T睇完Menu都唔知係咩食物，我哋請老闆娘為我哋介紹，佢話今日咖哩有雞、牛、魚、扁豆同青豆，我哋叫咗兩款食物share
蒸米粉配咖哩雞～米粉微熱配咖哩幾好味，有小小似咖哩撈米粉咁
薄餅配咖喱扁豆～原來唔係我哋諗嗰款薄餅（薄脆嗰款），呢款係軟身嘅，咖哩扁豆香料味比較重，同埋我夾薄餅一齊食時咬到香料，唔知係豆蔻定其他香料，嗰個味喺個口到散開好辛苦，唔知可唔可以用茶葉袋袋起比較細嘅香料先一齊煮呢👉🏻👈🏼，咪就可以避免到呢個小問題我哋最後都忍唔住叫埋牛肉角，超好味
我哋傾到天昏地暗，見到其他人客走哂先如夢初醒，原來9:00啦！人哋收工啦！真係唔好意思，馬上結賬，多口問老闆娘點解牛肉角皮唔同咗（openrice睇相），佢話因為有客人話之前嗰款皮比較厚食咗已經半飽，所以而家改咗用春卷皮，重視客人嘅評論，再改進才有進步
Post
