炯記手撕雞 (汝州街) (Closed)

銷魂腩叉撈麵$56跟例湯今日試下佢哋嘅秘制醬皇腩叉，腩叉有別於平時食開嘅叉燒，第一次見叉燒嘅肥肉同瘦肉相間，肥的位置真係勁肥，但肉的位置單獨食又唔會好鞋身，一啖食落去就會感到肉質係超級軟身。第一次試鵝油撈麵，上碟見到份量頗多，扁身嘅麵條，食落幾彈牙，口感幾得意。例湯一如既往的似屋企煲嘅湯水，超多紅蘿蔔同瓜。清湯牛魔王$88最鍾意食清湯腩，呢度啲牛腩肥瘦分明，啖啖肉，而牛肚炆得超腍，入晒味，餸飯不錯。