麵麵 (Closed)

香港工作時間真係好長，返到黎成六點，懶得煮飯，近近地就去左呢間用魚做主題既餐廳。餐廳係呢棟美食大廈既一樓，行樓梯可到。門面相當有特色，係清新時尚既風格。疫情期間仲有信封比你放口睪，好貼心。坐低左先送每人一小杯濃魚湯，係佢地既招牌，比你試一試味，又幾好喎。睇睇餐牌，晚市有套餐。我地唔諗咁多，就叫左兩set晚餐同一個小食。D杯碟都幾靚。西班牙煙燻黑毛豬魚湯料理。我地揀左魚烏冬，個烏冬咬落好煙韌，好似魚蛋果種質感，好特別！配上濃濃魚湯，好夾，加埋重口味少少既黑毛豬，吊到個鮮味出黎，不錯！極上蟹匠伴魚烏冬。大大舊蟹膏放係上面，撈勻佢黎食，每一啖都百感交雜，蟹既味道非常濃郁，配埋彈牙既魚烏冬，滿足感爆棚！魚皮餃子配柚子汁。有成五舊咁多，食落好似菜苗餃咁，不過個魚皮就煙韌D，唔錯。