Nardo's Cafe (Closed)

原來信和隔離呢棟大廈都有唔少食肆，陪朋友睇完game誤打誤撞上左黎8樓呢間樓上cafe。一入門口就見到五花八門既board game岩哂成大班人聚會果時玩。餐廳佔地面積大，空間闊絡，全部都係梳化櫈，即使坐得耐都唔會唔舒服有得散嗌有得跟餐沙律即叫即整，剩係聞到陣青瓜味就知係新鮮切出黎，蕃茄夠哂飽滿juicy，但蛋醬偏向清淡，如果改用胡麻醬相信會更開胃拼盤非常豐富，件件炸到金黃香脆，入口毫不油膩。仲有久違既魚手指同炸蟹鉗雞翼都幾大隻，焗到微微焦香，又唔會太乾，面頭塗滿蜜糖，好有bbq燒雞翼既風味闊條麵食落好creamy，好多忌廉汁同雞肉，夠哂飽肚。可惜芝士味唔夠，如果落多啲會更香口美味。Cheesecake芝士味重好多，係略甜左啲，消化餅底鬆脆紮實朱古力蛋糕名符其實咁特濃，入口濃郁既可可香，帶些微甘苦，cream同海綿蛋糕各佔一半，口感既軟綿又滑順。呢杯特飲荔枝味十足，仲有粒粒果肉，拌入左蜜糖清甜不漏。紅莓果茶用左紅茶底，味道濃厚，加上莓果既酸甜，飲落更消滯，係食完heavy既炸物同甜點後既好選擇