LA FAMILLE (Closed)

早排屋企人生日，買左個蛋糕慶祝，呢間食過幾次，因為有十幾種味道，所以次次都食唔同味，有新鮮感。🎂日本芝士柚子蛋糕$530蛋糕面好靚，有食用花朵🌺、馬卡龍、紅桑子組成，優質法國Kiri忌廉芝士🧀入口微酸，配合濃滑富奶香的北海道Nakazawa鮮忌廉，更能帶出蛋糕甜味。另外，戚風蛋糕內包含高知縣柚子果肉和柚子皮，提升蛋糕口感和微微柚子香，低糖低脂，岩曬我呢啲成日話減肥又為食既人，食多左都冇咁大罪惡感😈。🔅最方便係因為多分店，我響元朗訂，響大埔取蛋糕。🔅不得不提，蛋糕師手字都寫得幾靚，我聽講要考試寫字架，d人名寫得好有美感。