茶屋町 (長沙灣道) (Closed)

bookmark左尼間餐廳好耐，終於食到鰻魚。由於餐廳唔算大，大約有22個座位，但環境舒服，以日本列車為主題裝潢。所以，食物會用便當盛起。叫左鰻魚便當($88)，吉列雞扒茶屋咖哩($62)，炸紫薯餅($28)。先附上自家製麵豉湯，不同之處在於，餐廳加左豆卜，所以吸哂d湯，好飲。而且加入海帶芽，蘿蔔粒，清甜。最期待既鰻魚便當，上枱後店員打開個蓋子，嘩一聲，好豐富，仲要有4件厚身鰻魚，而且配菜仲要唔馬虎。首先，鰻魚配燒汁永遠一流，厚身鰻魚啖啖肉，燒汁唔會過多。鰻魚只有好少好少既微細骨，所以直接食落肚都唔覺。而伴菜海帶芽加入左柚子，所以酸酸地開胃健康，好少係日本餐廳食到。蛋卷結實甜甜地，仲有一件抹茶大福(?)，外層有抹茶粉，入面有d cream，煙煙韌韌。吉列雞扒炸完之後，非常脆，但入面鬆軟唔硬唔鞋，重點係唔乾，而且大大塊添。配埋甜甜少少辣辣既咖哩，一流。尼個便當配有小紫薯，甜甜地，不過再暖少少會更好食。飯量比鰻魚便當少，男仔食可能會唔夠，所以估計配BB紫薯(?)。另外，再叫左炸紫薯餅，一碟有2件，每件好似手掌大左右。紫薯打蓉後整成橢圓形，再炸。炸粉非常薄，外面微脆，而入面非常軟綿綿，而且啖