貴香園 (昌安大廈) (Closed)

難得有幾日連假，又好耐冇堂食過米線，一於放假黎呢到試下米線啦，未到中午12點，已經有差唔多一半嘅位坐滿左，睇完餐牌就落單，叫左多人推薦嘅豬扒酸辣米線要中辣，雞翼沙嗲米線，紅豆冰，因為一開始唔係叫紅豆冰，係後來改左，職員叫入廚房話改，跟住話自己入去沖，但佢當時戴住藍色手套執緊碗就入左廚房，到佢送上枱都仲戴緊，咪話唔驚，唯有搵紙巾抹下及隔住個杯拎黎飲啦，米線好快上枱，豬扒好細塊好似營養不良咁，要細細啖咁食好冇癮呀，不過味道唔錯，有啲似雲貴軒豬扒，而湯底第一次食叫中辣有啲太辣，唔可以飲到個湯試到，又唔敢慢慢食等佢凍啲，所以試唔真個味，而沙嗲湯底濃郁，雞翼都好味，我覺得雞翼同豬扒個醃味係一樣呀~紅豆冰奶多少豆所以比較淡，因為係食辣米線地方，所以總會有食客唔小心嗆親咳，但都會好驚，下次堂食應該都係疫情過左先會了