Misto Restaurant (Closed)

見阿陳總同古巨基都黎過 又有好多雜誌介紹過 諗住都唔會太差啦 點知...上到去其實覺得環境都唔錯 睇一睇個menu set dinner好似ok喎 就叫左一份和牛炒意粉同埋一份黑豚豬扒....哇 個個咁既意粉 茶餐廳既干炒牛意好食過佢一百萬倍 D豉油味重到你唔信 仲有個d所謂和牛先攞你命 直頭好似日清cup noodle入邊個d脫水牛肉咁... 大佬 雖然我係叫你個特價set啫 都唔洗叫我食餿掛......都講緊差唔多二百蚊一份喎...仲有份豬扒 我老婆平時唔食豬扒既 見佢話係黑豚就諗住試下 哇 靱到丫 搵人俾把chain saw我丫唔該....跟住講下service 比食物更不堪.......問個waiter拎曖水 好似聽唔明咁.....到食完哂main course喇 等左三四個字都冇人拎甜品黎 我地又唔係好記得有冇甜品跟 就諗住叫埋單啦 埋張單已經要等成兩三個字 張單黎到又寫住有甜品喎 就諗住食埋先走......等甜品又等左兩個字 食完再叫埋單又再要等多佢三個字 明明張單都print左出黎架啦 都要我三催四請先肯拎過黎.......我真係唔明點解咁既質素都有咁多明星幫襯 唯一原