茶墨 (Closed)

今次嚟到尖沙咀，一經過茶墨即刻叫番杯好耐之前飲過特別鍾意佢嘅水墨風嘢飲，賣相靚材料又豐富位於4樓嘅open area 😊下晝嚟都仍然多人幫襯主打除咗有嘢飲，仲有甜品同埋意大利低脂Gelato雪糕。而飲品方面其實選擇種類十分多，有日本茶、水墨風、gelato奶昔、茶類和芝士類飲品我叫咗麻糬芋泥茉莉鮮奶綠和榛子朱古力蛋糕。麻糬芋泥茉莉鮮奶綠（少甜少冰）賣相就好似一幅水墨畫😌飲的口感非常好，茉莉花香和鮮奶的味道岩到，味道清新。而麻糬和芋泥的配搭係perfect，唔會太過甜膩，口感細緻柔軟，加埋麻糬嘅煙韌感，飲到停唔到😊飲到一半先記得影入邊嘅嘢俾大家睇，見到入邊好多粒麻糬同埋黃色嗰啲係芋泥嚟嘅，大大pat, 好足料之後係榛子朱古力蛋糕，外觀令我諗起Oreo，入口後，榛子的味道唔算話太濃，反而食到少少咖啡味，和朱古力的濃郁味道交織在一起。蛋糕體口感鬆軟，入邊都有少少朱古力榛子醬喺度🙌🏻鍾意食朱古力味嘅朋友就唔好錯過啦見個Gelato奶昔好似幾得意，下次試吓先