辣辣屋

Open Now

Now Closed

這間店的前身一路都有食開，本身食物質素一向都有水準，轉左名後都有食過幾次，但印象中只能算是保持到水準無乜驚喜。好耐都食哩間，今日有野入聯和墟順便試下。本來都唔會再寫食評，但今次覺得食物質素提升左，有驚喜，寫返一篇留念先得。點左個羅宋湯通粉+雞扒奄列+茶走/$46羅宋湯通，個湯好足料，竟然俾我食到兩舊牛肉，而且味道是我喜愛既羅宋湯味，酸同辣好平衡，成碗食哂連啲湯都清埋。第一驚喜。雞扒一向唔錯，無乜好講。奄列既蛋煎得老左少少，味道OK。以往只點過1次奶茶，因為印象中間店未改名前既奶茶一般，唔夠佢既凍咖啡出名，所以黎開都係飲凍啡，不過今次因為早餐在第二度飲左杯難飲既奶茶，所以晏晝想飲多杯止痕，好彩無㨂錯，杯奶茶打破左我對佢「咖啡好飲過奶茶」既印象。