風月堂 (Closed)

已經好耐好耐無黎呢到食飯啦，一直以黎都好鍾意去日式西餐廳既我，當然好鍾意呢到既環境啦。星期日中午時分到訪，都唔洗等位，真開心。坐低後叫完野食，餐湯同麵包好快就送到。餐湯揀左雜菜湯，好鍾意呢到既湯，蕃茄味濃得黎個湯又唔會太油，麵包又鬆軟，入口仲係暖暖地，口感一流。欖油鮮蝦野菜天使麵伴燒鴨胸: 天使麵唔太油，鴨胸一D都唔少，蝦又大大隻，炒得超香口，無得頂。香煎豬扒伴龍利魚配黑椒汁: 龍利魚煎得夠香，豬扒都唔太肥，薯條仲要好香好脆，不過最吸引既反而係D菜，其實我唔介意將D薯條轉晒做菜架。 日式海鮮野菜炒烏冬伴帆立貝: 炒烏冬一般都會係比較油，但係呢碟一D都唔油，唔太鹹，海鮮都算多，好好味。食完咁多野之後仲有個雪榚伴窩夫做甜品，雪榚味道仲有好多選擇，再跟埋杯熱咖啡，真係一流。呢到星期日LUNCH TIME 一個餐都係$98 至$108 左右，有湯有MAIN COURSE 有甜品仲有野飲，唔多人，環境好又靜靜地，幾適合傾計。