227甜棧 (Closed)

其實係甜棧開既時候就一路間中食下，印仔都儲完好幾張。星期六10點幾經過，都仲係人頭湧湧（明明食物質素已下降、但無better alternative 都無計🙈），不過兩個都唔洗等位既。嗌左彩虹綜合圓仙草涼粉（$40）同鮮奶燉蛋白（$35）。是日自斟茶係菊花鐵觀音，正既次次都食完甜水飲杯茶無咁甜。芋圓感覺都係一般，份量以呢個價錢黎講少貴。燉蛋白就基本上係膽黎既，水準都唔會飄忽，實好食既、最緊要夠晒滑。