漁之部屋 (Closed)

今日做咗成日嘢無停手，連lunch都唔記得有無食，所以一放工接埋老婆之後，二話不說就去咗屋企最就近嘅放題店：天晉匯漁之部屋。食放題當然唔少得刺身，刺身新鮮無雪味甜蝦非常鮮甜，三文魚厚切有質感，好滿足！壽司種類多，但最怕飯團遼多，食唔落其他嘢，好彩呢度大小適中，而最好味當然係火炙系壽司。除咗刺身同飯，羊架配上自家製醬汁，細細件唔怕食唔落其他嘢，而且肉質細嫩，唔騷。最後，飲品選擇好多，我就狂飲出面賣家1０幾蚊嘅椰青水，好番本呀。