法國飯店

Open Now

Now Closed

第一次嚟到法國飯店，原來一面有一張好長嘅海鮮枱，上面放咗好多不同品種嘅生蠔，見到都流晒口水呀！🍋🦪🦪不過同行朋友就唔太好，都係下次先嚟食啦！😆😆既然見到佢有咁新鮮，當然要食返啲海鮮啦！我就揀咗香脆焗深海雪魚柳配南瓜蓉忌廉汁，鱈魚柳魚肉入口即溶，配埋甜甜哋嘅南瓜蓉，兩者都好口味溫和，份量都啱晒我。😋😋😋朋友就揀咗蕃茄龍蝦汁海鮮意大利飯，酸甜嘅龍蝦汁好入味，意大利飯口感煙韌，上面嘅青口好鮮甜，如果鍾意口味草啲嘅就要揀呢一款啦！🥰🥰🥰啲海鮮菜式真係好新鮮，相信啲生蠔一定會更加好食，我下次一定嚟必要食返呢間法國飯店👍🏻👍🏻👍🏻