樂園

Open Now

Now Closed

第一次食，期待已久🤩星期六朝早八點，熟食市場都算乾淨企理，冷氣可以啦，全場得「樂園」開咁早，坐位好free style🤣我鍾意🤣。可取嘅係沙嗲汁☺️可惜茶膽、咖啡完全係災難！🤢🤮。鮮油咖央多($22)••••••係薄身多士，牛油同方包差不多厚度，望落幾吸引嘅🤤以為咖央會好甜，點知配牛油食係香而不甜喎，一路食一路滴油🤣唔錯。辣菜脯肉碎煎蛋+沙嗲牛麵($47)••••••主角出場！湯底都染哂橙黃色😍果然有明顯花生香味，忍唔住飲多左幾啖湯😂不過牛肉就柴左啲。麵正常，唔會太淋。辣菜脯肉碎煎蛋又係正，菜脯咬落爽脆卜卜聲😎。成碗麵鈉含量應該超哂標😂。紅腸蛋麵($23)••••••無野講，紅腸無煎過，少失望。❌❌茶走($20)❌❌❌❌鴛鴦($20)❌❌••••••嘩！睇食評話啲茶差，估唔到係地獄級失望喎😫好難相信咁離譜，比三合一好少少，奶茶薄身到水咁，好稀，煉奶嘅滑完全飲唔到。呢度無套餐，仲要廿蚊杯真係😑我無野好講。byebye。