Video
Read full review
2020-04-15
2322 views
其實一直想試呢間小食店好耐，但覺得佢偏貴😟，所以就未試到佢。適逢呢日外賣自取App有優惠卷用剩，就用咗嚟去金芝龍買Lunch食。由於我喺App預先落單，去到等多兩三分鐘食物已經Ready，男店員幾好禮貌。金芝龍間舖好易認，因為同店嘅立場一樣咁黃💛。原來舖入面都有個位置仔可以堂食，但真係得兩、三張櫈咁大罷，我相信主要都係做外賣吧！裝修有少少似貨櫃嘅鐵閘，上面仲貼咗好多文宣📰。除咗文宣外，店舖仲貼咗好多餐牌，食物種類好似比以前多，而家有賣埋丼飯🍚。不過S金芝龍優惠套餐包埋杯嘢飲，要賣成$58真係好貴啊；另外有隻平啲嘅超值套餐連嘢飲就賣$29，選擇包括撈麵、年糕、烏冬等，但均屬輕食類...，即係未必食得飽嗰種。而我第一次食就試下輕食嗰款先，我揀咗A1.首爾撈麵($29)；套餐奉送無糖紅茶一杯，即係其他飲品又要加錢😅。嗌咗套餐，幫襯第二件食品就可以減$5，好過無，因為本身都唔平。首爾撈麵味道普普通通，辣味不太勁🌶，麵條比較粗身，但麵質有少少煮唔開咁。成盒麵本身無乜餸料，得啲豬肉碎同紅蘿蔔，好彩有木魚搭救！另外，份量比想像中多，都夠飽。由於我一早都預計到個麵無乜料...，所以加錢要咗招牌龍汁和牛
其實一直想試呢間小食店好耐，但覺得佢偏貴😟，所以就未試到佢。適逢呢日外賣自取App有優惠卷用剩，就用咗嚟去金芝龍買Lunch食。
由於我喺App預先落單，去到等多兩三分鐘食物已經Ready，男店員幾好禮貌。金芝龍間舖好易認，因為同店嘅立場一樣咁黃💛。
原來舖入面都有個位置仔可以堂食，但真係得兩、三張櫈咁大罷，我相信主要都係做外賣吧！裝修有少少似貨櫃嘅鐵閘，上面仲貼咗好多文宣📰。
除咗文宣外，店舖仲貼咗好多餐牌，食物種類好似比以前多，而家有賣埋丼飯🍚。不過S金芝龍優惠套餐包埋杯嘢飲，要賣成$58真係好貴啊；另外有隻平啲嘅超值套餐連嘢飲就賣$29，選擇包括撈麵、年糕、烏冬等，但均屬輕食類...，即係未必食得飽嗰種。
而我第一次食就試下輕食嗰款先，我揀咗A1.首爾撈麵($29)；套餐奉送無糖紅茶一杯，即係其他飲品又要加錢😅。嗌咗套餐，幫襯第二件食品就可以減$5，好過無，因為本身都唔平。
首爾撈麵
$29
76 views
0 likes
0 comments
首爾撈麵味道普普通通，辣味不太勁🌶，麵條比較粗身，但麵質有少少煮唔開咁。成盒麵本身無乜餸料，得啲豬肉碎同紅蘿蔔，好彩有木魚搭救！另外，份量比想像中多，都夠飽。
招牌龍汁和牛丸
$20
58 views
0 likes
0 comments
由於我一早都預計到個麵無乜料...，所以加錢要咗招牌龍汁和牛丸(原價$20/4粒)，承惠$5粒💵。哇哇哇，呢個牛丸超超超超超好食😋，勁多汁同彈牙，而且牛味濃郁，會食上癮。唔好話我馬後砲，粒牛丸個樣望落都好靚，會覺得係好食嗰種，而且中間仲食到有少少牛筋添🐮，真係好想再食。
題外話，呢到嘅叉好搞笑，原本就係咁，唔係我咬斷咗🍴。
凍無糖紅茶
103 views
0 likes
0 comments
跟餐唔使加錢嘅凍無糖紅茶亦有驚喜，因為我本身Expect係毫無味道的，但點知幾香喎，又大杯、又夠凍；味道仲有啲似午後紅茶添☕️。
總括嚟講，我本身係有少少抱住試伏嘅心態嚟支持下🙈，但結果食完粒牛丸之後，成個人開心返哂😆，因為真係好好食啊，係我食過最好食嘅牛丸之二(另一間最好食嘅係林昌記)！所以呢篇好評主要係畀粒牛丸嘅😋。最後，再次望返個餐盒張相，想講返句香港人加油，撐支持香港人嘅小店💪。
Post
