Video
Read full review
2018-10-04
133 views
之前經過呢間蝦棧都想試下，今晚同朋友諗去邊食飯諗起就決定試下佢。睇下餐牌，蝦煲都有10款咁多。我本身幾鐘意食辣覺得胡椒蝦幾吸引，不過朋友食唔到太辣就點左個奶油蝦。奶油蝦真係要讚！首先賣相擺得好整齊，奶油味好香，連啲洋蔥都好好食好入味！仲要啲蝦係非常鮮甜！之後我地都仲點左幾樣，油鹽水鮮北寄貝，火焰雪山焗鮮魚，蒜蓉炒冰菜同椰子雪糕。款款都無令人失望！由其火焰雪山焗鮮魚真係有驚喜，上菜既時間店員先會幫你點火，有得睇又有得食！條魚焗得好好食，一啲都唔鞋！好滑好新鮮！如果黎呢到一定要試！油鹽水鮮北寄貝好大隻，呢款就清淡啲，主要食北寄貝既鮮味。冰菜我諗唔係間間餐廳都會有，所以我哋都叫咗黎試吓，口感都比較特別，不妨一試。最後配搭珍珠奶茶同埋椰子雪糕，椰子雪糕係好特別嘅，佢用返原本嘅椰子殼做底，用椰水做雪糕，好好味！
Post