Video
Read full review
2022-03-19
163 views
最近好想打邊爐但係出街買材料又唔可以買到咁多種類，留意到平時有食開嘅牛大人都推出左火鍋外賣套餐，喺屋企打邊爐安安全全又可以食到牛大人嘅味道！牛大人大駕光臨（4人份）裏面有勁多款式，基本上四個人係唔會食得晒，如果大家庭六至八人應該都夠食。湯底可以10款之中自選，牛大人紅燒牛骨骨鍋就最香，鹹香十足帶點甜味，仲有兩大兜，就算中途要加湯都唔使驚，有多無少。裏面預設有安格斯特選牛板腱16片+上腹牛五花16片+西班牙豬梅肉片16片+花雕酒雞8件+蔬菜拼盤勁多牛同豬，食肉獸都夠食，質素都係任食A-B餐嘅水準，另外仲有花雕酒雞裏面又有杞子嗰啲，好補，質感滑身少骨，健康當然最緊要係蔬菜，裏面有超過10款唔同嘅蔬菜，唔使另外加都夠晒食。預設仲有醬料特調醬油+蒜，葱，手切辣椒，炸蒜，芫茜～唔使擔心要自己預備醬汁。除咗固定之外，最正嘅就係有得俾你揀想食啲咩水餃，食邊款漿、丸、連茶都包埋。例如好似屋企人對蝦敏感，我就全部唔揀蝦，大家都可以齊齊享用。台灣手工水餃 x 4款高麗菜水餃4粒/瓜仔雞水餃4粒/福建燕餃4粒/台式蛋餃4粒一人一粒，揀得梗係食啲平時食唔到嘅，台式餃子雖然個皮比較厚但係都好好食，燕餃就似平時食
牛大人大駕光臨（4人份）裏面有勁多款式，基本上四個人係唔會食得晒，如果大家庭六至八人應該都夠食。
湯底可以10款之中自選，牛大人紅燒牛骨骨鍋就最香，鹹香十足帶點甜味，仲有兩大兜，就算中途要加湯都唔使驚，有多無少。
裏面預設有
安格斯特選牛板腱16片+上腹牛五花16片+西班牙豬梅肉片16片+花雕酒雞8件+蔬菜拼盤
勁多牛同豬，食肉獸都夠食，質素都係任食A-B餐嘅水準，另外仲有花雕酒雞裏面又有杞子嗰啲，好補，質感滑身少骨，健康當然最緊要係蔬菜，裏面有超過10款唔同嘅蔬菜，唔使另外加都夠晒食。
預設仲有醬料特調醬油+蒜，葱，手切辣椒，炸蒜，芫茜～唔使擔心要自己預備醬汁。
除咗固定之外，最正嘅就係有得俾你揀想食啲咩水餃，食邊款漿、丸、連茶都包埋。例如好似屋企人對蝦敏感，我就全部唔揀蝦，大家都可以齊齊享用。
台灣手工水餃 x 4款
高麗菜水餃4粒/瓜仔雞水餃4粒/福建燕餃4粒/台式蛋餃4粒
一人一粒，揀得梗係食啲平時食唔到嘅，台式餃子雖然個皮比較厚但係都好好食，燕餃就似平時食嗰啲魚皮餃不過個皮質感唔同。
台灣在地直送漿類 x 4款
手打旗魚漿/澎湖花枝漿/真味牛肉漿/蟹籽墨汁漿
勁多款唔同嘅漿揀，簡直花多眼亂，就揀啲唔同材料嘅，顏色都好唔同，款款都好突出到食材嘅鮮味，重點係充滿口感。
台灣直送 x 6款
芋頭貢丸4粒/竹炭海鮮丸4粒/海膽包4粒/乳酪蛋腸4粒/拔絲芝心包4粒/虱目魚丸4粒
丸要揀就揀啲自己鍾意食或者特別嘅，例如芋頭公園、竹炭海鮮卷、乳酪蛋腸呢啲平時都比較少食到，味道都比較得意，比較重味。
飲品 x 4款
桂花烏龍冷泡茶/菊花普洱冷泡茶/洛神花茶冷泡茶/白桃烏龍 飲死一種都會悶，不如一次過揀四款唔同，大家開心share，無糖茶而且凍冰冰最清新。
Post
