Video
Read full review
2019-10-30
145 views
阿木台灣麵 #旺角呢間台灣餐廳雖然係新開張，但係已經吸引左好多人排隊。上網留意到原來佢哋家族喺台灣度賣麵已經有60年歷史，因為個女唔想祖傳嘅技術失傳，於是嫁到嚟香港之後都喺香港開返間台灣餐廳。紅燒牛肉牛筋麵 $69我自己好怕紅燒牛肉嘅湯底好大浸酸酸地嘅藥材味，今次呢個依然會食到牛同埋藥材餚出嚟嘅香味，但係又唔會覺得太酸，不過亦都唔算太濃郁。麵條方面，可以揀加$3轉關廟麵，但係落單嘅時候店員推薦佢哋自家製嘅麵條，話更加索湯。聽到唔使加錢嘅麵條仲好過要加錢，所以我哋即刻轉翻佢哋原本嘅麵條。雖然佢哋係沿用老店配方，每日手工製作，但係我自己略嫌煮得有啲淋，而且冇想像中咁濃味。相反，啲牛肉同埋牛筋就真係好好味。佢哋用嘅係金錢腱，每塊都有成隻手咁大，仲要有成1cm咁厚。雖然厚，但係一啲都唔韌，仲幾乎入口即溶。同樣地，啲牛筋亦都非常軟腍，好滑脫脫好淋。而且無論係牛肉定牛筋，都同樣非常入味。味道:4.1/5 (啲肉真係好好好好正，但係麵條就麻麻，湯底不過不失)性價比: 4/5芝士肉鬆蛋餅 $42好欣賞呢一間嘅蛋餅，尤其鍾意佢嘅皮！唔係嗰種煎到好香脆嘅蛋餅，但係就好煙韌，好鍾意呢個口感！而且入面啲肉鬆亦
呢間台灣餐廳雖然係新開張，但係已經吸引左好多人排隊。上網留意到原來佢哋家族喺台灣度賣麵已經有60年歷史，因為個女唔想祖傳嘅技術失傳，於是嫁到嚟香港之後都喺香港開返間台灣餐廳。
紅燒牛肉牛筋麵 $69
我自己好怕紅燒牛肉嘅湯底好大浸酸酸地嘅藥材味，今次呢個依然會食到牛同埋藥材餚出嚟嘅香味，但係又唔會覺得太酸，不過亦都唔算太濃郁。
麵條方面，可以揀加$3轉關廟麵，但係落單嘅時候店員推薦佢哋自家製嘅麵條，話更加索湯。聽到唔使加錢嘅麵條仲好過要加錢，所以我哋即刻轉翻佢哋原本嘅麵條。雖然佢哋係沿用老店配方，每日手工製作，但係我自己略嫌煮得有啲淋，而且冇想像中咁濃味。
相反，啲牛肉同埋牛筋就真係好好味。佢哋用嘅係金錢腱，每塊都有成隻手咁大，仲要有成1cm咁厚。雖然厚，但係一啲都唔韌，仲幾乎入口即溶。同樣地，啲牛筋亦都非常軟腍，好滑脫脫好淋。而且無論係牛肉定牛筋，都同樣非常入味。
味道:4.1/5 (啲肉真係好好好好正，但係麵條就麻麻，湯底不過不失)
性價比: 4/5
芝士肉鬆蛋餅 $42
好欣賞呢一間嘅蛋餅，尤其鍾意佢嘅皮！唔係嗰種煎到好香脆嘅蛋餅，但係就好煙韌，好鍾意呢個口感！而且入面啲肉鬆亦有少少脆，鹹鹹地更配埋芝士一齊食真係好正！
味道:4.7/5
性價比:4.3/5
家傳鹽酥肉便當 $59
鹽酥肉比較少聽，而且講到係家傳，所以決定試一試。其實嗰炸粉同鹽酥雞差唔多，不過幾欣賞佢鹽酥肉嘅份量都幾大，之前曾經喺另一度食過啲鹽酥肉嘅炸粉仲厚過啲肉，但係呢一間就真係食到啖啖肉，而且肉質都幾淋，冇因為炸完之後變到好鞋。
至於個肉燥飯就一般，肉燥嘅份量比較少，絕對唔夠撈晒成碗飯，而且唔算好多肉，醬汁亦唔算特別濃。
另外嗰便當中配有一啲酸菜、花生麵筋同埋青瓜，味道都係正正常常，普通配菜。
味道:3.9/5 (啲肉幾正，但係飯同配菜冇乜特別)
性價比: 3.5/5
整體來講，最欣賞呢間餐廳嘅蛋餅，另外佢哋嘅肉類食品唔錯，包括佢哋嘅紅燒牛肉牛筋同埋鹽酥肉，但係啲飯面就麻麻哋，未至於好好味，但係得閒經過都可以食下。
紅燒牛肉牛筋麵
$69
100 views
0 likes
0 comments
芝士肉鬆蛋餅
$42
211 views
0 likes
0 comments
家傳鹽酥肉便當
$59
162 views
0 likes
0 comments
Post
