友利冰室 x 勿當奴 (D2 Place TWO) (Closed)

要數香港邊間燒味好食，友利冰室都肯定係我心水之一。我一向都好鍾意友利冰室的出品，菜式中感受到大廚那份著重細節的心機位。是日點咗個豉油無骨雞飯餐，飲品就加錢轉燉湯。豉油雞聽落好普通，但豉油雞入味之餘，雞肉仍感嫩滑而不嚡口，分量又夠仲要無骨添，在普通菜式之中都依然食出大廚刻意花的心機，實屬難得！另外燉湯就點咗花膠螺頭燉雞，湯水亦見出色，湯料足，味道亦夠濃郁，略嫌油咗少少，但整體都係高質！