Big Dog (Changed Hand)

去開西環辦些事，特別SEARCH SEARCH有咩食，想去特式美食屋又休息，所以專程行去BIG DOG。好似其他網友所講，間舖真係唔易搵。話響皇后大道西，一直在大街行是看不到的，是剛剛要過馬路...心諗唔通太細睇漏左？說時遲那時快，轉頭就望到佢\響皇后大道西同水街交界。入到去真係得老闆娘(MAY NG)一個，點左個珍寶腸、煙肉、洋蔥同生菜熱狗。條珍寶腸真係好巨型下，食起來有難度，明白下面有幅圖係會腸包分離，因為個熱狗包係容納唔到條腸。見MAY烘個熱狗包，滿心以為個包會像永樂園的又熱又鬆脆，結果係...掂下個面係硬，但食落去係一般的軟，唔熱的。煙肉碎片無煎過，唔油但亦都唔夠味唔夠香。洋蔥是生的，所以勁味至極。幸而點了芥末醬，比較稀伴有少量酸瓜，稀一點同生洋蔥無咁撞。如果唔要醬，D腸又唔夠味(白烚的)，煙肉又唔香，只係得洋蔥味都幾寡。整體上一般，可以再試，個人認為永樂園D醬好味D，要大SIZE呢度就滿足到囉。