混亂拉麵 (Closed)

同朋友約喺深水埗聚會，上網見到呢間拉麵好似幾特別有芝士味嘅拉麵。所以就過嚟試吓啦，我哋六點鐘鬆啲就到啦，所以冇乜人。我就叫咗個芝士拉麵，朋友就叫咗個普通拉麵。食物一上枱覺得分量好勁，勁大碗而且好多芝士粉，望落好似好好味。點知道食落個味道超級奇怪，芝士粉同日式既拉麵湯一啲都唔夾，個味好酸，好似胃酸嗰隻味，未試過食啲咁難食嘅拉麵。反而試吓朋友個普通嘅拉麵，味道正常好多，平時唔鍾意浪費食物嘅我，因為個拉麵真係太難食，最後都食唔晒，肯定冇下次。