樂湯雞麵館 (登龍街) (Closed)

真係唔會食第2 次。好耐都未試過寫食評，但真係忍唔住要差評下。本來諗住食登龍街間山西藥膳刀削麵。但發現好似執咗，所以見到《樂湯雞》都有藥膳刀削麵諗住都可以試下。所以，坐底叫咗一個價值$76的藥膳醉雞刀削麵。唔夠5分鐘已經上菜，但係真係好令人失望。個刀削麵係一啲味都冇。好，我忍，試試個醉雞先。咩事? 個醉雞都係完全冇味，係完全冇味啊！！淨係食到雞味。從來未試過食醉雞係一啲酒味都食唔到，食到我都懷疑我味蕾有問題。平事我都唔食太咸，但今次成餐都冇味真令我大開眼界。食完今次真係冇下次。